قصة حمده للشاعر عمر الفرا

قصة حمده للشاعر السوري عمر الفرا هذه قصة فتات رفضت العادات والتقاليد التي تجبر بنت العم على الزواج من ابن عمها وفضلت الموت على جيزة الغصب وطبعا هذه القصيدة بالهجة البدوية
ما اريدك

ما أريدك …
ما أريدك حتى لو
تذبحني بيدك
ما أريدك
إِبن عمي … ومثل اخويَ
ودم وريدي
من وريدك
أما خطبه
لا يا عيني
لاني نعجه
تشتريها
ولاني عبده
من عبيدك
ما أريدك
هذي القصة
قصة حمده
حمده الرمش اللي
يتحدّا
الرمش اللياخذقلب الناس
الرمش اللي
ما عمرو ودّا
* * *
حمده جانت
أجمل ورده
بوجه الريح .. وصمدت مده
حمده جانت
نقطة بمصحف
تحدت كل سيوف الرده
اليوم الأول
تحدت حمده
اليوم الثاني
صرخت حمده
اليوم الثالث
نزلت دمعه
اليوم الرابع .. يوم الجمعه
دخلت أمها غرفة حمده
انشدهت
رجفت
عيون تجذّب
قلب يلجلج
خافت … شافت
جسم مثلج
شَعر تناثر
فوكَ مخده
صاحت …
جاوب مِرْوَد كحله
ماتت حمده .. ماتت حمده
* * *
ثوب المخمل ..
مراية حمده
المشط … البكله
كلهم صاحو …
والصوت الرايح
ما ودّا
تبكي كل رمال الصحرا
وتبكي كل بنيه حرّه
حتى طير الورور
ناح
وفوكَ ترابج
مرّغ خده
تغطّي حمده
برد الصيف
المثل السيف
يمّرض عينج
خايف إنها تمرض عينج
تعطّي حمده
تهنّي حمده …
هالأرض اللي
تحت اجرينا
أكرم مِ للي .. فوكَ بمده
تهنّي حمده
* * *
حلفت أمي …
وكل نسوان الحاره
شهدن
إنهن شافن
بليلة جمعه
فوكَ القبر الضامم حمده
حلفن إنهن شافن
شمعه
الشمعه شمعة نور
وعليَّت
عليَت. عليَت .. فوكَ .. لفوكَ
لفوكَ اللي
ما تعرف حده
وحلفن إنهن سمعن حمده
من جوّات القبر تصيح
تصيح وتنده
ما أريدك ما اريدك ما اريدك