شعب منتهية صلاحيتوا

بتمشى بالطرقات وبتتفرج بالوجاه
ليش الكل عم يعبث بوجك وبتحسه بين اللحظة والتانية رح ينط عليك ويعملك كفين متل فراق الوالدين
كتير صعب الواحد يضحك مثلا ؟

بتحس الكل مهموم
الكل متدايق
الكل عم يسب ويلعن
ما حدا يحسب انه العالم متدايقة لان العيشة غلي .. أو لأن المعاش ما عم يكفي شي ..أو لأن الكابوس المادي ( العيد ) رجع نط مرة تانية خلال أقل من شهرين ولحّق يا معلم على دفع ... أو لأن الجامعات صايرة فوتتها متل الحلم .. أو لان الواحد خايف من خياله ما قصدي على حفوضات اطفال واقلام رصاص للولاد والصباط اهم شيئ صباط العيد{يعني البوط:وهاي الكليجة ماعنهى بالعيد لازم ميشان نسوان البناية: .. لا حدا يروح فكره ناح هلنواحي والضواحي
القصة ومافيها انه الشعب انتهت صلاحيتو
انه ليش الكل بعقد القصص وبحط فرضيات وأسباب وعوامل ودواعم ومؤثرات ودوافع ونتائج
ليش ما بتاخدوا القصص ببساطة .. تك .. انتهت الصلاحية
تماما متل ما بتكون ماشي بالسيارة .. تك .. بيكسبك الشرطي مخالفة
بهلبساطة .. تك .. انتهت صلاحيتو

اي اي صدقني انتهت
انا شخصيا أخدت اكتر من عينة بشرية وراقبتن
بتحسه بني آدم طبيعي.. كلشي فيه طبيعي .. بياكل وبيشرب وبنام .. بعدين بتكتشف انه بني آدم بس مو طبيعي لأنه بياكل وبيشرب وبنام
دخلت بالحيط مو ؟
يعدمني ياك
تعا لأفسرلك ياها كيف

البني آدم الطبيعي بالحالة الطبيعية يعني بيعمل كتير شغلات منها " بياكل - بيشرب - بنام - بيحضر مسرح -بروح سينما- بيتنزه مع عائلته - كل صيفية بروح بزور بلد جديد - عنده وقت ليدور مع رفقاته - بيقعد مع ولاده وبيحكي معن - بيتضحك بوجه للرغيف السخن - عنده وقت ليحك فيه راسه "

هاد الطبيعي
بينما المو طبيعي .. يعني الخلصانة صلاحيتو
بيعمل 3 شغلات فقط لا غير
بياكل - بيشرب - بنام
وهاد هوي الحال عنا

عم احكي معك بالوجدان والضمير
شعب منتهية صلاحيتو
ليكني قدامك اكبر مثال
منتهية صلاحيتي وماني مستعد جددها
انه هيك انا مرتاح جدا جزيلا
باكل - بشرب - بنام
وعم فكر بالفترة الجاية خفف من المشروبات لأن وضع البول معي ما عاد محمول بالمرة

في بلدك عشرة أصابع تشير إليك “ انت مغترب “

في اوربا عشره أصابع تشير إليك “ أنت غريب “

في بلدك ، أنت “متأمرك”

في اوربا انت “ متخلّف”

في بلدك، انت “ شايف حالك “

في اوربا أنت “ مش شايف شي “

في بلدك، أنت “ صاحب ثروة”

في اورباأنت “ سارق ثروة”

في بلدك، أنت “عميل” حتـّى تثبت العكس

في اوربا أنت “ أرهابي “ حتـّى تثبت العكس

في بلدك، أنت المواطن “ س”

و في مالطاأنت المواطن “ X “