مغامرات فصعون مع المدرب

ياسلام و بيقلولك:::: ليش بتكذب ؟ أخ ×خ

فصعون متل العادة فاق الصبح فرشى أسنانه بالمعجون و الفرشاه و لبس مريوله و حط الفولار و هو على أهبه الاستعداد لمغادرة البيت نادتله أمـّه فصعون فكر انو مشان الخرجية فراح لعندها ركض .. لكن المفاجأه كانت بأنـو ام فصعون خبرته بانو عرس بنت خالته " فريحة " الخميس المسا بمدينة " حمصعون " و لهيك هو مش رح يقدر يداوم عالمدرسة يوم الخميس .. لكنها طلبت منه أيضا ً انو ما يخبر حدا بالمدرسة عن السبب اللي بده يغيب مشانه ..
حمل فصعون كل فصعنته و طلع من باب البيت و هو مبسوط انو رح يغيب الخميس .. على درج البناية شاف جاره اللي عزمه يجي يلعب عنده بلاي ستيشن يوم الخميس بعد المدرسة .. و فصعون اعتذر و على الحارك و بدون تفكير جاره سأله : ليش .. فصعون شعر بالاحراج و تحجج بانو امو ما بتسمحله .. و اجاه الرد مباشرة : أي ما بنقلها بدنا نلعب بنقلها بدنا ندرس !!
" يا أخي ليش الاحراج ؟ " فكر فصعون براسه و اعتذر مجددا ً بانو أمه يمكن تخبر ام فصعون انو ما كانوا عم يدرسو .. و مجددا ً اجاه الرد : امي ما رح تكون بالبيت ..

" ليش الاحراج ؟ " فكر فصعون مجددا ً و من ثم ّ قرر يسلم بالامر ويقول بنشوف شو بصير ..

و على باب المدرسة مباشرة ً شاف فصعون مدرب فريق كرة القدم و صبـّح عليه و بهي اللحظه سأله المدرب : رح تجي عالتدريب يوم الخميس المسا ؟؟
فصعون : الخميس ؟؟ التدريب عادة بصير السبت
المدرب : اي أنا هالسبت مشغول شوي و لذلك قدمته للخميس
فصعون : لكن يا استاذ انا ما بقدر الخميس
المدرب : ليش مابتقدر ؟
فصعون : ظروف عائليه
المدرب : شو هي الظروف ؟
فصعون : والله مسافرين
المدرب : لوين مسافرين
فصعون ( بعقله : ولعية !! )
المدرب : شو فصعون بعدك معي ؟ لوين مسافرين ؟
فصعون : عحمصون
المدرب : لا عنجد و شو رايح تعمل بحمصون
فصعون ( بنبرة يأس ) : سياحة !! هيك سياحة !!
المدرب : ايوا و ليش هيك عم تقولها ؟
فصعون : سلامتك استاذ بس لأني بلشت اتأخر عجرس الانصفاف
المدرب : طيب هالاسبوع سماح بس لا تنسى تجبلي معك حلاوة الجبن !!

فصعون قعد يفكر انو ليش كل المشاريع صارت بيوم الخميس المسا تحديدا ً ؟ و ليش أمو ما بدها حدا يعرف ؟ و ليش الناس كلها بدها تعرف شو صاير معه ؟؟
و طبعا ً و لأجل حسن حظ فصعون فما ضل مشروع مفصعن ما انعزم عليه فصعون بيوم الخميس و كان كل مره يفوت بجدل ما يخلص منه غير بكذبة ..
عطريق الرجعه فصعون قرر ياخد الطريق الخفي للرجعه عالبيت لما يطر يكذب عالناس و يشعر بالاحراج من الاجابة على الاسئلة الكتيرة و فعلا ً نجحت الخطه .. بالبيت فصعون وقف عالمراية و اطلع بحاله هيك و قال :
"و المشكلة انو بيسألوك ليش بتكذب .. أنو لو ما الناس بتدحش حالها بشغلات ما الها فيها ما كنت بكذب !! انو أنا شو مصلحتي كذب عليك لو ما انت اجيت سألتني عن شغله ما بدي خبرك عنها ؟؟ "
و هون فاتت أم فصعون و حس فصعون بالرغبة بأنو يحكيلها المشكلة .. لكن فجأه خاف انو هي كمان تحرجه بالاسئله !!

أم فصعون : أخدت أذن من المدير انك تغيب الخميس ؟
فصعون ( براسه : شو بدي قلها ؟ أنو ما قدرت أسأله لانو خفت يسألني خمسين سؤال ؟ )
لأمه : لا ماما قلت بسأله بكرا يعني مشان اذا سألني ليش قله انو مابعرف اجت القصه فجأه
أم فصعون : و ليش لتكذب و تقلو اجت القصه فجأه ؟؟ بعدين بكرا ما بيعطيك اذن بكرا الاربعا و بيقلك كتير متأخر ..
فصعون : ( براسه : ما بدك ياني قول لحدا ليش رايحين حمصون و لا بدك ياني كذب ، شو وين عايشة انتي ؟؟ )
لأمه : اي ماما بكرا الصبح أول شي بعمله بطلب اذن من المدير ..
أم فصعون هزت براسها ..
فصعون : ماما معلش توصليني عالمدرسة بكرا و انت تحكي مع المدير ؟؟
أم فصعون : لا ماما لازم انت تتعلـّم تتصرف بمتل هيك مواقف
و سكرت الباب و طلعت ..
قعد فصعون عالتخت و بلش يفكر ..
فاق تاني يوم الصبح لبس و راح عالمدرسة و هو مقرر انو لو مين ما حكي معه ما يرد مشان ما يكذب .. و فعلا ً هاد اللي صار و فات لعند المدير خبره بأنو رح يغيب لأمر طارق و كانت لهجته حادة و مباشرة فما سأله المدير عن السبب .. و شعر فصعون بالفخر ..
سافر فصعون و اهله على حمصون و رجعوا السبت مساء ً ..
لكن المفاجأه انو الاحد الصبح ما حدا من رفقات فصعون رضي يحكي معه ( لأنو هو ما حكاهم الاربعا ) ..
و المفاجأه الكبرى كانت وقت امـّه اجت تاخده من المدرسه و شافها عم تحكي مع المدير و لمى قرب منهم فصعون مسكله المدير ادنه و قلو ليش ما قلتلي انو كان عرس بنت خالتك فريحه كنا قمنا بالواجب .. لكن معقول ابنك يا ام فصعون .. على كلـّن مبروك و انت يا فصعون حسابك عندي ..

فصعون من يومها ما قدر ما يعترف بأنـّو الناس بتحبك تكذب عليها لهيك بتسألك أسئله شخصية !

بتهون !!

هههههههههههههههههههههههههههه
ههههههههههههههههههههههههههههههههههههههههههههههههههه
حلوه اوى الحكايه دى
حقيقى رائعه شكرا لك

ههههههههههههههههههههههههههههههههههههههههههههههههه

خخخخخخخخخخخخخخخخخخخخخخخخخخخخخخخخخخخخخخخخخخ

فعلا قصة رائعة جدا يا ابو الفصاعنات سلمت يداك

ننتظر جديد فصعون

» أنقاذ فصعون من الانحراف:
» انقاذ فصعون مرة تانية
» فصعون يتحدى الصعاب