فتنة الحفل من روائع فهد عافت

فتنة الحفل زيدي مشيتك بخترة = كل خطوة بروق وكل لفحه صهيل
باقي بين عقلي والجنون شعرة = اقطعيها ياشينه عاشق مو هبيل
خلي الارض تاخذ شكل غير الكرة= خلي النار تاخذ رمز غير الفتيل
من غدى الليل شعرك قلت انا باسهرة= ومن غدى الصبح وجهك قلت مالي مقيل
ارقصي بين حد الذنب والمغفرة = ارحلي في سكونك واسكني في الرحيل
ارجفي كنك الماء فزرته حجرة = واثبتي كنك الفضه بعين البخيل
وانحني مثل غصن في طرفه ثمرة = واوقفي مثل فزعات بدوي اصيل
والفحي علمينا كيف تقدر مرة = تزرع الليل صبح وتزرع الصبح ليل
في عيونك سواد يستحيل آخرة = كامنً في بياضاً اوله يستحيل
واحد تخزرين وما يجيك خبرة = اشهد انه عزيز واشهد انه ذليل
اترك العقد بين الجد والغشمرة = يخبر الناس وش معنى جميل في جميل
كن في الصدر ظبي عيوننا تذعرة = ينتفض يذعر الي مذعرينه قبيل
ومفرق الصدر حبات العرق تجهرة = كن لك عقد در وعقد من سلسبيل
بينهم حسد ربي بعد ما صورة = عقد وده يجف وعقد وده يسيل
اهـ وليا لمحتك مقبله مدبرة = شفت مثلي نحيل زم حمل ثقيل
دام ذا عجز وش للناس بالمقدرة = دام ذا خصر وش لي بالخواتم بديل
وسط ثوباً خيوطه صمت في ثرثرة = به قليلاً كثيراً وبه كثيراً قليل
كل شيء بجسمك يفضحه يستره = فيه فتنه قصير وفيه حشمت طويل
كنه المخطي اللي يطلب المعذرة = وكنه دامح الزله عن اللي يعيل
في ردونه نقوش و له سنابل ذرة = الله اعلم لو ان الريح هبت تميل
كل شيء ونقيضه فيك بالمسطرة = اقرب من النفس وابعد من المستحيل
كنك الكذب لكنه محد ينكرة = وكنك الصدق ولكن مافييدينا دليل
باشة الغيد زيدي مشيتك بخترة = لاجل اطاول بحرفي شامخات النخيل
شاعر تلمس ايدينك على دفترة = تغرق في اوسط اوزانه بحور الخليل

كن في الصدر ظبي عيوننا تذعرة = ينتفض يذعر الي مذعرينه قبيل
ومفرق الصدر حبات العرق تجهرة = كن لك عقد در وعقد من سلسبيل
بينهم حسد ربي بعد ما صورة = عقد وده يجف وعقد وده يسيل
اهـ وليا لمحتك مقبله مدبرة = شفت مثلي نحيل زم حمل ثقيل
تسلم عمي جمال بارك الله فيك
ماروع ماسجلت
لله درك
تقبل مروري واحترامي

كنك الكذب لكنه محد ينكرة = وكنك الصدق ولكن مافييدينا دليل
باشة الغيد زيدي مشيتك بخترة = لاجل اطاول بحرفي شامخات النخيل
شاعر تلمس ايدينك على دفترة = تغرق في اوسط اوزانه بحور الخليل

.............

كلمات روعة اخي الاستاذ جمال

سلمت يداك على هذه المنقولة الرائعة والكلمات المنسوجة

بدقة وعناية مركزة

دمت بود

» روائع الطبيعه!!!!!!!!!!!!!!!!!!!!
» من روائع القران الكريم
» على شانة من روائع ما غنى حاتم العراقى
» من روائع الشعر الشعبي العراقي
» ياخذ مكانك شخص ماهوب يسواك روائع الشعر