أبيات شعريه نضمت بحق العراق واحببت رسمها هنا

ململني القلم ومن القلم مليت عمت عينه قلمنه الما نفع شِعره

تعب حتى الشِعر ويه العراقيين وصار بحال اهلنه وبالعراق ادره

رسمت حروف العراق برسم فنان وجمعت اربيل والانبار والبصره

وگلت لازم حروفي توحد الخوّان مامعقوله هيچ تصير فد مره
ورديت ولگيت دموع عالوجنات
حروف الي رسمتهه اليوم متطشره

كردستان تحچي بزودهه وتگول
احنه العاصمه وبغــداد متأخره

والانبار شالت سيف عالخوان
لو ليهالحكم لوفلّش الاسره

والبصره تگول احنه نريد اقليم
ومن نفط العراق الكُم فقط عُشره

وشفت للفتنه والله العراقيين
دون حروف جر يا ناس منجرّه

مذبوحه المحبه وناس تكره ناس
سويه الي يحب والقابض الجمره

حته الورد ما يرضه بعد بالماي
من دمنه تريد الورده والشجره

رقم جبنه قياسي بالقتل والموت
وصرنه اول شعب نص اهله متهجره

نهر دجله يـا ناس من الجثث غرگان
خلي نمد ادينه لدجـــــــــله وانجرّه

على جثثنه ادور هالفضـــــــــــائيات
ياهو الي يصــــور ياخذالاجــــــره

معصوبه العـــــيون مچتفه الايدين
وانواع الرصاص يچوب بـــــصدره

لا اهله اجوي وچــــــــفّنوا بچـــفان
مجــــهوله الـــهويه ومن درة بأمره

اذا امّه الــــحنونه الصايمه برمضان
ما اكــــلت اكلهه وبقت تـــــــنتضره

تنــــــتضره يرد وتريد تحــجي وياه
اثاري العيـــــــــد لازم ينگطع مهره

لان باعت ذهبهه بشارع الصياغ
حته تزوج ابنههالما فرح عمره

ما نامت بقت سهرانه كل اليل
ايا ليل العراق الما بزغ فجره

وما جاهه صبر طلعت تدور عليه
مثل طلعة حمامه بعينها العبره

وما شافت ابنهه وجاهه ملك الموت
تعرف شنهي يعني تموت بالحسره؟؟

معناها الفرح صاير مثل رجال
شايل ورده بيده وخنجربضهره

معناها عراقك كاتل ومكتول
سوده گلوبهم وعقول مفتره

وكل هذاويگلي احنه العراقيين
سنه وشيعه عشنه الحلوه والمره !!

لا والله چذب احنها العراقيين مثل الضرة عالضرة

واقع حال لازم نخضع لامره

ملينه الچذب وليمته وليا دوب

قصايدنه اجت للناس متأخره

نعم خوان احنـــــــــــــــــــــه

نعم خوّان احنه وياك آني بهاي

بس مو من بعد تفجير سامرّه

بعد تفجير سامرّه العراقيين

مثل فلم الرعب ودمايته الحمره

مو فتنه صحيح الصايره ابّغداد

سونامي الفتن بغداد منتشره

قتل مو عالهويه هواي متوهمين

صارت عالاسم گص راسه ويشمره

واليگلي تبالغ انته حيل بهاي

جبت حجه ودليل وياي هالمرّه

اتحده بكر واتحده ابو الخطاب

افن واحد البيهُم يوصل الثوره(مدينة الصدر)

واتحده علي واتحده هم حسين

اذا فلوجه طبهه ومنكسرضهره

صـــــــــفر كل النتايج للعراقيين

بس بالفتنه جابوا عشره منعشره

هذا يگول سني ناصبي اغتالوه

وهذا يگول شيعي رافضي نكفره

ضلّوا بهالسوالف يا خزي ويا عار

واسرائيل علگت نارهه الــــــكبره

يول وين الــــــــشرف گدامكم بغداد

شــــــگّوا ثوبها واخذوهها متأسره

اغتصبوهه الكُفر ... ما تسمعوهه تصيح

آنه ام الــــــــــــشرف واليوم مو عذره

بعد والله ما يــــــــــــــنفعنه قيل وقال
لات كـــلشي انتهه وانكــــسرت الجرّه
مرحوم الـــــــعراق استشهد من سنين
يا وسفه صفـــت أشلائه مـــــتنثره
متنـــثره بمزابل يمـــهه كوم چلاب
اكلت من لــــــحومه وما درت سرّه
صــــير وياي بس هالمره اترجاك
عيب من الــــــــــــعراق اليوم نتبرّه
صعبه بمزبله جثةالــــــــعراق تصير

نضمت هذة البيات بحب ورسمة الواقع المر

لا والله چذب احنها العراقيين مثل الضرة عالضرة

واقع حال لازم نخضع لامره

ملينه الچذب وليمته وليا دوب

قصايدنه اجت للناس متأخره

تسلم اخي الكربلائي
صاحب القلم المتميز
والرسم الرائع
تقبل مروري واحترامي
سءيف

سيجمع الله الشمل و سيضمد الجرح
و سترفرف رايات العراق خفاقة رغم الحاقدين
جرحكم جرحنا و همكم همنا و عراقكم عراقنا
دام عراق الأبطال و عراق الأمجاد و عراق الحضارة
أخي الكربلائي عراقنا أقوى من المتآمرين
سيهزمهم كما هزم كل الخونة من قبل
و فقك الله أخي

ململني القلم ومن القلم مليت عمت عينه قلمنه الما نفع شِعره

تعب حتى الشِعر ويه العراقيين وصار بحال اهلنه وبالعراق ادره

رسمت حروف العراق برسم فنان وجمعت اربيل والانبار والبصره

وگلت لازم حروفي توحد الخوّان مامعقوله هيچ تصير فد مره

اخي الغالي الكربلائي

انشاء الله لكم النصر بعون الله كلمات فعلا كما

دونت اخي الغالي اللهم ابعد عن اخواننا العراقيين الظلم

مشاعر رقيقة من قلب مجروح بوركت اخي على ما قدمت

دمت بود وعافية

تقبل مروري

عاشت الايادي على الكلمات الروووووعه
(كلمات روعه لشخص اروع)
هو
الاخ الصقر

تحياتي المعطره بالورد والياسمين الى كاتب هذا الرد
الجميل الذي يحمل بين طياته الحب والحنين

ويرسم
زغارفه وينحت الحرح الكريم
تحياتي لك
اخي صقر
وتقبل مني ردي
والف شكرا لتكريمك الكريم
[ندعوك للتسجيل في المنتدى أو التعريف بنفسك لمعاينة هذه الصورة]

تشرفت
صفحتي
بوجودك بها و
انيعت كلماتي بعطرك
وبتسمت حروفي بجميل اسمك
وفتخرت
وازهرة
اصطري بمرورك بها
اخي العزيز
تقبل مني ردي البسيط
وتقبل مني تحياتي
والف ومليار هله بك
اخ عزيز ونور للعين

وشكرااااااااااااااااااااااااااااااا
[ندعوك للتسجيل في المنتدى أو التعريف بنفسك لمعاينة هذه الصورة]

جرح
يامن
اسمك
دواء لكل عاشق
ورسمك ابداع لكل حب
وازهارك انبثقت هنا
ونثرت عطرها
بين حروفي لتجعل الوان الحرف البصيط
نجم في سماء مضلمه
اخي
تقبل مني
تحياتي ووتشكراتي
لتواجدك هنا

[ندعوك للتسجيل في المنتدى أو التعريف بنفسك لمعاينة هذه الصورة]

» هؤلاء مشائخ العراق أبطال ثورة العشرين من تاريخ العراق الأصيل
» لأجل العراق وشعب العراق / للشاعر العروبي لطفي الياسيني
» العناية بالحاجبين وكيفية رسمها (بالصور)
» اهم الاثار في العراق
» جمهورية العراق ....................