فامان الله

موضوع: فامان الله الخميس يونيو 12, 2008 11:52 pm

فمـان الله يـا لولـو بحـر ماجـابـه الغـطّـاس
فمـان الله يـا أصـدق وأبيـض قـلـب حبيـتـه

فمان الله مـا قلتـه وأنـا صامـد رفيـع الـراس
فمـان الله (مهـزوزه) عشانـك يومـي أطريـتـه

فمـان الله فـي دنيـاً سعيـده كلّـهـا أونــاس
هـذاك الـدرب ينتظـرك وأنـا دربـي تنصّيـتـه

نهايـة دربنـا بـاب(ن) تكاثـر عنـده الحـرّاس
نهايـة دربنـا لغـز(ن) رمعتـه لكـن أخطيـتـه

نهاية طيب/ في صفحـة وفـا/ وختامهـا نومـاس
وأدوّن قـصـه تجمعـنـا بكتاب(الصدق)سميـتـه

صحيح (أستأذنك) صعبـه ولكـن تتبعـه (لابـاس)
حروفـك داخـل أعماقـي بـدم القلـب خطّيـتـه

وأنا 00إخترت الفراق المر ورضيت معانق الهوجاس
وخاويـت السهـر والنـوم هاجـرتـه وجافيـتـه

عشانك يابعد عمـري / عشانـك يابعـد هالنـاس
عشانـك يابعـد حـي الوجـود ويابـعـد ميـتـه

فديتك00 (زهرةٍ) فاحت وفا/ وإستنعـش النسنـاس
فديتك (مهرةٍ) شوفـه شفـا/ وشلـون لـو جيتـه

فديت (الشفتيـن) اللـي يحرسـن لمعـة الألمـاس
فديت (الوجنتين) اللـي يغـار الصبـح مـن ليتـه

فديت الطـول مـع خصـرٍ تمايـل ضامـرٍ ميّـاس
فديت الزول لو بوصف تعبـت أوصـف ولا أوفيتـه

فديـت الشامـه ورمـشٍ طويـل وناظـرٍ نعـاس
وشعر(ن) ضاعـت إيدينـي بسـواده يـوم فلّيتـه

فديتـك كلّـك ولجلـك حروفـي تتعـب القرطـاس
فديتـك كلّـك وكلّـي مشـاعـر لـكـن أزريـتـه

أجل وشلون أترجم لك مشاعـر مـا لهـا مقيـاس
وشاعـر جامـعٍ مـر الليـالـي فــي تناهيـتـه

وأنا لامن عشقت أعشق على وضح النقـا نبـراس
بـدويً لاسمـع طـاري الخيانـه ينتخـي صيتـه

ياليتك طيـف فيبالـي تلاشـي بحضـرة الجـلاس
وقلبـك ماعـرف قلبـي ياقلـبـي آآآآه ياليـتـه

زمن قاسي00بشر أقسى00قلـوبٍ مابهـا إحسـاس
زمـن حلّـل قتـل طفلـه وطفـلٍ لاهـي ف/بيتـه

زمن فيـه الوفـا كلمـه تخـط بأبيـض الكـرّاس
زمـن لـو نـزّل دموعـي يسمعنـي زغاريـتـه

حياتي00دامهـا شـادت بجوفـي مملكـه لليـأس
أبـي تقـري نهايـة درب علـى شانـك تمطّيتـه

خلاص (أستسمحك) برحل كما حـرٍ كفـخ قرنـاس
نصيـت الـدار يـوم الــدار نادتـنـي ولبّيـتـه

بقالك كلمتيـنٍ تحتهـن خـط ومـا بيـن أقـواس
(فمان الحـب) يـا أطهـر وأبيـض قلـب حبيتـه