لو شعرى شعير لأطعمت بع الحمير لكن شعرى شعور وما لى الحمير من شعور

الشعر موش حبة كلام يتقال

ولا فكرة بتبرر كلام بطال

الشعر كلمة تحرك الزلزال

الشعر يسقي للعطاشى زلال

الشعر موش رقاصة أو طبال

الشعر غواصة في بحور طوال

موش كلمتين حلوين عشان المال

الشعر مصنع ينتج الأبطال

موش شعرا العايشين في برج العاج

الشعرا عافين قد إيه نحتاج

الشعرا ناس عايشين عشان منهاج

سنة نبينا هيا راس المال

الشعرا اللي بحق بيعافروا

ما يحك جلد الحق غير ضافره

الشعرا يتلموا ويتضافروا

علشان نرقي الكلمة والأفعال

إيدهم بتكتب قلبهم شغال

بيدوقوا لاجل المبدأ الأهوال

ويغنوا لولاد الأصول موال

ماشيين طرق الحق مهما طال

الشعرا بيصوموا وبيصلوا

وبيذكروا الله أينما حلوا

عن نصرة المختار ما يتخلوا

الشعرا موش فالتين ولا لاسعين

الشعرا اللي بجد محترمين

بيألفوا الأشعار لنصر الدين

وفي العبادة برضه مجتهدين

الشعرا لا ملايكة ولا شياطين

الشعرا من ناس لحم أصله الطين

لو يغلطوا جايز مهوش قاصدين

الشعرا يتشالوا في نني العين

ميمي
[ندعوك للتسجيل في المنتدى أو التعريف بنفسك لمعاينة هذه الصورة]
تقبلي مروري واحترامي

سلمت اناملك وسلم نن عينك

بارك الله فيه

مع حبي

ما اروع وما اجمل مرورك شكرا على تواضعك اخى العزيز صقر تقبل تحياتى

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لكى حبيبتى الساجدة على تواضعك والرد على موضوعى المتواضع ولا انسا فضلك على الانكى انت من دعنى الى الواحة تقبلى خالص حبى واحترامى

[ندعوك للتسجيل في المنتدى أو التعريف بنفسك لمعاينة هذه الصورة]

» ** مجرد شعور****
» ما هى الآيه التى كلما قرأتها انتابك شعور خاص؟؟؟؟؟؟؟