حنين البنت من الغربه الى امها

غريبة من بعد عينچ ييمه ـــــــ لو دهري رماني
وياهو اليرحم ابحالي ييمه ـــــــ لو ذبني زماني
فهميني ييمه
حاچيني ييمه

جواب الأم
*
وين الگاچ بنتي واحچي وياچ
أذا أنتي غريبة ابديرة اجناب
وعني اتبعدچ الأ اف المسفات
وصدى صوتي چذب يتعده هالباب
الزمن مجرم أبد مايرحم انسان
وشتفيد اويه مجرم كلمة اعتاب
واذا دهرچ رماچ ابظيم الايام
أنه الظيم نفسه ابكل الحساب
واذا تحسين غربه ابغير بلدان
أنه ابداري غريبة والگلب شاب
عله افراگچ يبنتي انشلت الروح
ودمع العين بعدچ يمه تيزاب
جبت عمري ييمه هموم بهموم
وعني امن الزغر كل الفرح غاب
ربيتچ يبنتي ابدمعة العين
وظنيتچ سند لو صابني امصاب
وانه ايهون المصابي الموت والله
لأن جرحچ چبير اولسه ما طاب
احلفچ بالحليب الي رضعتي
ترديلي يبنتي الهاي الاسباب
تلميني امنوتن بيدچ ابطيب
وتهيلين اعله قبري يمه الاتراب

__________________

منقوله

[ندعوك للتسجيل في المنتدى أو التعريف بنفسك لمعاينة هذه الصورة]
تسلم اخي الشامي
بارك الله فيك
تقبل مروري

» من ام لإبنها في الغربه....اهداء لياسمين الشام
» كــــــــــــــــــان لنا حنين
» حنين الروح
» حدثيني ياطيوف الليل عن حب وبقايا من حنين >>>>>>>>>>>>>
» مالفرق بين البنت والولد؟؟؟؟