غالي يا وطني

غالي يا وطني غالي يا وطني غالي غالي وترابك غالي غالي ومو مكفي مالي مو قادر أنا على غلاك *** بيقولو البنزين رح يولع وجرة الغاز رح تفرقع والبيض فقسّت أسعاره حتى الجاجة حست بناره *** و بيقولو الدهب غالي طب مال الدهب ومالي؟ هو أنا طايل صحن الرز؟ الله يرحم أيام العز عاللحمة كنا نمزمِز مَز و نحلّي وراها بمقالي *** ورقة الألف ركبت جناحات والخمسمية عم نفرطها خمسات والمية بالجيبة ما بتبات والخمسين ما بتشتري كيت كات يا زلمة قرفت حالي *** جدي قال بالزمنات كنا نحلب هالعنزات وناكل من لبن البقرات ونزرع شوية قمحات وعايشين بثبات ونبات ما يهمنا طول الليالي *** شو تركنا لولادنا عيشة؟؟ أكلتولنا الجاجة و الريشة ما ضل غير ندخن شيشة الفايسروي سعره عالي *** يا وطني ما أغلاك و يا محلا شمسك و سماك كان غلاك بقلوبنا وهلأ صار ع جيوبنا بس بتضلك محبوبنا و هواك ع قلبي غالي