الادويةالبيطرية

السلام عليكم جميعا

هنعدد الادويه البيطريه وكان سبق ونزلنا صورها واساميها بالباوربوينت(تحميل مفتوح من على ال Rapidshare)

ولو قريت الموضوع كنت هتلاقى انى قايل ان طريقة الاستخدام والجرعات سوف تنشر فى موضوع مستقل ..وهذا هوا الموضوع ..

هنبدأ اول حاجه بمضادات وطاردات الديدان والطفيليات .

(ِAnthlementics)

1) فاشيولويد fascioloid

مضاد للفاشيولا (الديدان الكبديه).

الجرعه ا مل لكل 25 كجم وزن حى من الحيوان . حقن تحت الجلد sc .

2) كينافوكس kenafox .

مضاد للفاشيولا . الجرعه 1 مل لكل 25 كجم وزن حى من الحيوان . حقن تحت الجلد sc .

3) رافوكسانيد Rafoxanide ايضا مضاد للفاشيولا .

الجرعه ايضا 1 مل لكل 25 كجم وزن حى من الحيوان . حقن تحت الجد sc .

4) ترونكس Tronix .

مضاد للفاشيولا .

الجرعه 1 مل لكل 25 كجم وزن حى من الحيوان . حقن تحت الجلد sc .

5) البيندازول 2.5 % Albendazole 2.5 % ,

مضاد لمعظم الديدان المعويه وذو تأثير فعال على الديدان الكبديه والطفيليات الداخليه الاخرى (lung worms) .

الجرعه 1 مل لكل 3 كجم وزن حى من الحيوان .

تجرع عن طريق الفم (orally) او تعطى مباشرة فى الكرش (intra_ruminal ) .

6) كلابينزول 10 % clabenzol 10 % . الاستخدام وطريقة الاعطاء مثل الالبيندازول 2.5 % . الجرعه 1 مل لكل 10 كجم وزن حى من الحيوان .

7) باربينزول (اقراص ) ( Parabenzole (tablets .

نفس الاستخدام الاسبق .

الجرعه قرص واحد لكل 40 كجم وزن حى من الحيوان . تعطى عن طريق الفم (orally) .

7) فالبازين (اقراص) ( valbazin (tablets نفس الاستخدام الاسبق .

الجرعه قرص واحد لكل 80 كجم وزن حى من الحيوان . تعطى عن طريق الفم ايضا (orally).

8) تريباجيكت Trypaject

علاج الترايبانوسوما (من طفيليات الدم ) trypanosomiasis .

الجرعه 1 فيال لكل 300 كجم وزن حى . حقن بعمق فى العضل (deeply IM) .

9) بيرينيل Brenil

علاج طفيليلت الدم مثل البابيزيا . الجرعه 1 فيال لكل 300 كجم وزن حى من الحيوان حقن فى العضل Im Inj.

10) أكابرين 5 Acaprine 5 %

علاج البابزيا babesia .

الجرعه ا مل لكل 50 كجم وزن حى من الحيوان ولا تتخطى حدود ال 6 مل .

حقن تحت الجلد Sc فى ثنايا الذيل tial folds .

11) بيوتاليكس Butalex

مضاد للثيليريا thieleria . الجرعه 1 مل لكل 20 كجم وزن حى من الحيوان لكل من ال RBCs و ال lymphnodes .

حقن فى العضل مره واحده فقط IM for both RBCS & lymph. one shot only ويفضل الحقن فى عضلات الرقبه على 3 اجزاء .

12) ايفيرمكتين او ايفوماك سوبر Ivermictin or Ivomic super .

مضاد لجميع الطفيليات الخارجيه ومعظم الطفيليات الداخليه ما عدا الديدان الكبديه .

الجرعه 1 مل لكل 50 كجم وزن حى من
الحيوان . تعطى تحت الجلد مع مراعاة توزيع الجرعه فى مناطق مختلفه لتجنب
الالهاب الشديد الذى يسبببه هذا المستحضر .

لاحظ الاتى :- هذا الدواء يستخدم
بغزاره فى مجال الطب البيطرى وايضا تنتجه عدة شركات منها المصريه والاردنيه
والامريكيه وافضل المنتجات على الاطلاق هوا الايفرمكتين او الايفوميك
الامريكى الصنع اما باقى المنتجات التى تحمل نفس الماده الفعاله
(ivermectin) مثل ال نصروميكتين والايفرمكتين المصرى وايضا الاردنى فهى
منتجات ذات جوده وفعاليه تكاد تكون منعدمه مقارنة بالمنتج الامريكى .

لاحظ الاتى :- Ivomic super او
الايفوميك السوبر الامريكى بيحتوى على افيرميكتين 1 % ومعاه كلورسولون 10 %
والماده الاخيره دى بتخليه فعلا سوبر لانه هيقضى على الغالبيه العظمى من
الطفيليات (ماعدا طفيليات الدم) بما فيها الطفيليات الداخليه والديدان
الكبديه يعنى جرعة ايفوميك سوبر تعادل جرعة ايفوميك عادى + جرعة البيندازول
او اى حد من اخواته !

على فكره مش بشجع الصناعه الامريكيه بس والله هوا ده اللى حاصل وحضرتك كطبيب بيطرى او مربى لك حق الاختيار .

ايضا بعض المدارس تؤيد استخدام ال
ivomic super فى الخيول (بشرط توفر الطريقه المثلى للحقن او الاعطاء )
وبعضها الاخر ترجح عدم استخدامه فى الخيل بسبب الالهاب الشديد اللى بيسببه
فى مكان الحقن وايضا بسبب كبر نسبة تكون الخراج (Sterile Abscess ) فى مكان
الحقن وعلى فكره المشكله دى اتحلت خالص وهنشوف ازاى دلوقتى .

13) ديكتوماكس Dectomax l

الماده الفعاله هى ال Duramectine

الماده دى اخت الايفرمكتين وليها نفس
التأثير وتستخدم فى الخيل علشان مش بتعمل الهاب زى الايفرمكتين وبيتاخد حقن
عضلى . وله نفس الاستخدام الاسبق وبنفس الجرعه .

14) عجينة الايفرمكتين (مخصصه للخيول)
ivermectin paste Equine formula عجينه تعطى عن طريق الفم للخيول ويتقبلها
الحصان بشراهه وده علشان طعمها حلو ومسكر وانتو عارفين ان الخيل بتحب اى
حاجه فيها سكر . ولها نفس الاستخدام الاسبق بالنسبه للمستحضرات التى تحتوى
على ايفرميكتين كماده فعاله . كده احنا ذكرنا معظم الادويه او المستحضرات
الخاصه بالطفيليات مع اختلاف انواعها .

14) كيبروميك Kepromic

الماده الفعاله هى الايفرميكتين وله نفس استخدامات الايفرميكتين

هولندى الصنع ويعتبر الافضل فى السوق بعد الايفرميكتين الامريكى

الجرعه 1 مل لكل 50 كجم وزن حى حقن تحت الجلد

15) ايفرتين Ivertin

الماده الفعاله هى الايفرميكتين برضو ونفس الاستخدامات ونفس الجرعات السابقه للايفرميكتين

اسبانى الصنع ويأتى فى المرتبه التالته فى الكفاءه بعد الايفرميكتين الامريكى والهولندى

لاحظ الاتى :- علشان نغطى ال
Therapeutic Range الخاص بمعظم او كل الطفيليات سواء داخليه او خارجيه
(باستثناء طفيليات الدم ) بندى جرعه من الايفرمكتين وال البيندازول (او اى
حد من اخواته ) . ويفضل تكرار الجرعه كل 3 اسابيع بالنسبه لل البيندازول
وكل شهرين بالنسبه للايفرميكتين وعدد مرات التكرار من مرتين لتلاتة مرات .

او ممكن ندى جرعه واحده ايفوميك سوبر (بس للاسف السوبر ده انقرض دلوقتى وبطلو ينزلوه)

بنستخدم الطريقه السابقه فى بداية
دورات التسمين وده لهدفين اولا القضاء التام على اى طفيل سواء داخلى او
خارجى بمثابته انه ياخد جزء من طاقة واكل الحيوان واللى بدوره بياثر على
الكفائه فى تحويل الغذاء لانتاج وايضا بيتسبب فى خسائر فادحه تانى حاجه
معروف ان الايفرميكتين انه بيحفز مستقبلات ال GABA فى كل من الحيوان
والطفيل(Arthropods) وده ينتج عنه حاجتين احسن من بعض ان الطفيل هيحصلله
paralysis ويموت ..فى نفس الوقت الحيوان شهيته بتزيد بسبب تحفيز مستقبلات
ال GABA واكيد حضراتكم عارفين ليييه ؟!!.

كده انا خللصت معظم كلامى بالنسبه لادوية الطفيليات .

وللمره التانيه هقول ان صور العبوات
بتاعة الادويه دى مرفوعه على الرابيد تشير ورابط التحميل هتلاقيه فى
الموضوع السابق للموضوع ده وكان بعنوان

(حصريا ..اكثر من 90 % من الادويه البيطريه المتوفره بالسوق المصريه )

محاضره باور بيونت ومساحتها 72 ميجا تقريبا.

وقبل ما اختم الموضوع احب اتقدم بالشكر
وكل الشكر للى عمل المحاضره بالباوربوينت استاذى الجليل الدكتور احمد
غلاب ويارب يرجعه لينا من المانيا بالسلامه

بالنسبه لباقى الادويه من مضادات حيويه
ومضادات الالتهابات والمسكنات والمراهم والكريمات والمطهرات ومدرات البول
والملينات والمسهلات ...الخ هنكمل شرحها بالتفصيل فى مواضيع تانيه ان شاء
الله

ونرجو المتابعه .. To be continued ...
منقول للفائدة العلمية

برك الله غيك اخي صقر

جزاك الله الجنة على المجهدات التي تقدمها

دمت في رعاية الرحمن

نورتي اختي صفحات الموضوع
دمتي في حفض الرحمن