""الفرق بيننا نقطة..

مواطن عربي 1: لك شايف النقطة قديش صغيرة، بس يا أخي بصراحة مفعولها كتير كبير

مواطن عربي 2: شلون بقا هيك، فهمني لشوف?

مواطن عربي 1 : رح أعطيك أمثلة,

هلق هنن بيقولولهن غرب بس نحنا بيقولولنا عرب والفرق بيناتنا نقطة

هنن صارو شعب الله المختار، نحنا صفينا شعب الله المحتار والفرق بيناتنا نقطة .

هنن بيفكرو باستغلال الشعوب ونحنا منفكر باستقلال الشعوب

والفرق بيناتنا نقطة .

يا سيدي هنن قدرو يعملو بين بعضن تحالف، بس نحنا العرب

عملنا بينات بعضنا تخالف والفرق بيناتنا نقطة

هلق هنن عندن المواطن وضعو 100% مزبوط، بس المواطن عنا

وضعو 100% ‏مربوط والفرق بيناتنا نقطة .

يا سيدي هنن إذا صار غلط بحياتن بيدورو على حكوماتن وبيعملولها إحراج ،أما نحنا إذا صار شي

منسكت ومناكل هوا والحكومة بتعمل

للغلط إخراج والفرق نقطة .

مواطن عربي 2 : لك اي والله ...(( وبعد تفكير )) وعلى هالمقياس أنت بتعرف ليش وصلنا لهالحالة؟

مواطن عربي 1 :ليش؟

مواطن عربي 2 :لأنو هنن بيتفاهمو بينات بعضون بلغة الحوار، بس نحنا

منتفاهم بينات بعضنا بالخوار والفرق بيناتنا نقطة .

ومواطنهن وصل لمرحلة الحصانة، بينما نحنا مواطنا لساتو

عم يعيش مرحلة الحضانة والفرق بيناتنا نقطة

شو قولكون يا جماعة النقطة مفعولها كبير والا لأ

::::::::::::::::
مقهى صباح ومساء..

اي و الله صح لسانك و لسان الكاتب بيناتنا نقطه و هي التي

تفيض الكأس لكونها عضيمة

و ما تفعله النقطة لا يفعله شيئ اكبر و اضخم منها

و ياريت العرب يعرفون شو اعطاهم الله و يستفيدو منو

بارك الله فيك على هذا الموضوع الحلو

تحياتي لك و احترامي

شكرا اختي الكريمة على تعليقك الجميل ::عنجد النقطة الها تأثير في مجتمعنا وفيها تغير كل المصطلحات::بس انا قصددت تغيير من ساخر ::مع الشكر الجزيل..

والله صحيح يا اخي القوات وحتى لان للنقطة شان عظيم

حتى اذا عملت شئ واجا حدى ساعدك فيه وانهالك عملك

بقلك احنا الي حطينا النقاط على الحروف

فهذه النقطة هي الي دهورت احوالنا العربية الله يستر

اشكرك على الموضوع الجيد سلمت يداك

مشكور اخي على التعليق الجميل ,لك مني كل الود والاحترام ::شفت كيف النقطة الها قيمة بس وين الي عم يسأل..

وصلني اخ صقر ولايهمك :المهم نضع هذه النقطة في صالحنا ونحاول ان نلغيها من الكلمات التي ذكرتها في الموضوع :وارجوا من الله عز وجل ان نتحد ونضع يدنا بأيدي بعض ونلغي النقاط والخلافات والحدود ::ومن ينصره الله لا غالبا له؟؟اشكرك من كل قلبي على تعليقك الرائع :مع تحياتي الخالصة..

» الفرق بيننا نقطة
» موقع " عربي " التابع لموقع " مكتوب " : التشيع غير الإسلام ولا يحق الدعوة إليه
» تعلــــ درس 3 ــــم الفوتوشوب / ... " صندوق الأدوات - الجزء الأول - "
» "معلومات تاريخية وجغرافية مهمة عن المغرب بلد تعدد الثقافات"
» من أقوال "برناندشو " في الرسول محمد صلى الله عليه وسلم